Ish-sulmuesi i Kolumbisë, Adolfo Valencia, ka sugjeruar se si vendi i tij mund të mposht Argjentinën kur të dy skuadrat të përballen në finalen e Copa America 2024 në stadiumin Hard Rock në Miami.
Valencia dëshiron që Kolumbia të përfitojë nga fakti se kapiteni i Argjentinës Lionel Messi ka humbur shpejtësinë dhe forcën dhe nuk është më në kohën e tij më të mirë.
Sipas tij, sulmuesi 37-vjeçar i Inter Miami nuk është më ai që nuk mund të markohet.
Ai vuri në dukje se driblimi i Messit është në rënie, një ‘përparësi’ që Kolumbia duhet ta shfrytëzojë.
“Ai nuk është më Messi që e shihnim në Barcelonë, i cili mund të kalonte gjashtë apo shtatë lojtarë. Ai ka humbur shpejtësinë dhe forcën me kalimin e viteve,” tha Valencia.
“Ky është një avantazh që ne duhet të përpiqemi ta shfrytëzojmë.
Pa hequr gjithçka që ai ka bërë, Messi tani mund të markohet nga kushdo.”
